يقولون السهر عشق العيون وشوقها يازين
وانا أقول السهر عشق القلوب وهاجس الافكار
حبيبي لو يطول الهجر تبقى صورتك بالعين
تجدد ذكريات شتتتها حكمة الاقدار
صحيح ان الطموح اللي دفعني اجتاح سور الصين
لكن يضيع دام ان الفراق يحل دون اعذار
تصدق رجعتك مثل السراب اللي روى الظامين
رواهم شوفته لكن ماذاقوا منه قطار
زمان راح مثل الحلم يجمع في حلاه اثنين
يقرب لك بعيد شاله الطير الشقي ثم طار
الا يا عين غظي به قولي له يبتسم تكفين
لاجل هاك الوداع اللي شبيه بجمرة بالنار
عساها تذكر ايام بين القسى واللين
اكافح طيفه اللي ينتهي لا شعت الانوار
تريح يادموع شافها الاقصى مع الادنين
كتبها الله رحيل يشبه الجار الوفي للجار
تقوله يا زمان الصمت قلبك ينبض لشخصين
واقوله يا زمان الغدر قلبي ما حصله ثار
حبيبي يا قصر سهر العيون بنظرة بالعين
والا يا طول سهرك يالغريب اللي هجرت الدار
