ودعت اختي ليلة السبت مهموم
ودعتها وجيت راس ام سامي
ودعتها عقب العشا قاصد النوم
والنوم صاير مثل مثل طير الحمامي
طار وتعلا.. وارتحل داخل غيوم
ان نام جسمي هالعقل ما ينامي
وشقوا صدر الجيبه بأمواس وسهوم
ثم قصدوا صمام بالقلب دامي
وجانا خبر في يوم الاثنين وعلوم
علومٍ شنيعه او جعت في عظامي
رجلٍ ويد وجنبٍ ايسر ومعدوم
ثم جلطةٍ بالراس هذا تمامي
واثنين ثاني جا على الصدر جاثوم
من يوم شفته تنتهي هي امامي
واثنين ثالث تالي الليل ملزوم
ينشق صدره ثم تزود الالامي
دعيت له والناس تدعي على الدوم
ربٍ كريم لين تشفى تمامي
وجانا الفرج في يوم الاثنين محكوم
راح الالم ثمٍ بدت بالكلامي
احمدك ياربي واشكرك بالكوم
وهو الذي يحيي رميم العظامي
ثم عادت البسمة عقب غم وهموم
على محيا امي.. وزاد ابتسامي
وصلاة ربي حجاج مع صوم
على النبي سيد جميع الانامي
