نشرنا في عدد الأسبوع الماضي لغزاً كتبه الشاعر عبدالله عبدالعزيز النعيم وكان نصه:
|
ياويش بنت ينقله دوم رجال
يقود ربعه لا التقى قوم في قوم
لوهي زهيده ما تساوى ولاريال
له قيمته لامن طواها على هدوم |
وقد وصلتنا من قراء الجزيرة عشرات الحلول وبعد الفرز اكتلمت شروط النشر في الحلول التالية:
|
يامن طرحت اللغز ياطيّب الفال
من ناتج الأفكار خذ حلها اليوم
هي شارة الكبتن إلى قاد الأبطال
في ملعب الكوره لها دور معلوم |
حجي بن سليمان الحجي
الأحساء
|
لغزك وضح ما تختلف فيه الاقوال
مع ما قريته صار واضح ومعلوم
هي شارة الكبتن على كل أبو حال
وإدعو بنصرة منتخبنا على الدوم |
راشد محمد الحجيلان
حايل
|
الشاعر اللي جاب جزلات الأمثال
رجلٍ على نطح المواجيب ملزوم
يفداه من يركض ورا القال والقيل
وإشارة الكبتن بها الوضع محسوم |
محمد عبدالكريم الغزي
الزلفي
===============================
فكرت أنا باللغز.. عرفت بالحال
عرفت أنا حله عسى عزك يدوم
علامة الكبتن على اليد تنشال
تميّز الكبتن وهو قايد القوم
===============================
معجب مطلق الشكره
الافلاج
===============================
اهلاً هلا يا مرحبا براع الامثال
في صفحة يكتب بها كل شغموم
بنتك لقيناها على بدال بطال
علامة يعرف بها سيد القوم
===============================
فيصل بن فهد الراضي
قصيباء
===============================
يا ما حلا صرت للخيل خيّال
قرم وجدانك ثقيلين وقروم
وياما حلا«الراية» بيمنى وباالعال
لا ولو خصومك وبقوك محشوم
===============================
ابراهيم محمد الشيرمي
الدمام
===============================
الصوت من واحة طبرجل لكم قال
حياك ياتراث الجزيرة على الدوم
وحياك يابن نعيم ياطيب الفال
والبنت شارة كبتن القوم معلوم
===============================
قبلان بن عودة الشراري
طبرجل
===============================
الصدق.. والشيمة.. وجزلات الأمثال
والوصل.. والطيبة.. وعادات.. وسلوم
والدرع للصفحة بعد ما به جدال
لو شارة الكابتن ثنت كل منجوم
===============================
فهد الجروان - الزلفي
===============================
المنتخب جاهز وبه خيرة رجال
لو ماكسب بالامس جاكسبه اليوم
وإشارة الكبتن ولاعندي اشكال
هو حل لغزك مير لا تكثر الحوم
===============================
علي رشيد الرشيد
رياض الخبراء
===============================
اللغز حليناه ياطيب الفال
إشارة الكبتن على العضد مبروم
ياما لبسها ناس يسمون الابطال
في ملعب الكورة ولانازلوا قوم
===============================
نايف مسباح الدوعان
سكاكا
===============================
من يوم عبدالله نبا اللغز بالحال
ساعة قريته بين الحل معلوم
إشارة الكبتن على عضد رجال
زيزوم ربعه بالملاعب على القوم
===============================
خضير المدعج - عرعر
===============================
اللغز جا حله على البال بالحال
كبتن فريق ان صار فايز ومهزوم
إلى تقابلوا الفريقين الأبطال
يحطه الكبتن على العضد ملزوم
===============================
جلعود بن لافي الشمري - حائل
===============================
يامرحبا باللي لها القلب منزال
ترحيبه تبقى لها دايم الدوم
صفحة تراث اللي على كل الاحوال
تستاهل «الشارة» والابداع محشوم
===============================
عطالله بن سليمان العطالله - الزلفي
===============================
اهلا هلا إعداد ماهل همال
ياللي كتب لغز مسطر ومحكوم
إشاره الكبتن جوابه للاجدال
أظن حله صار واضح ومفهوم
===============================
هندي ثابت الغياثان - الافلاج
===============================
المملكة قدوه على كل الاحوال
من فضل ربي وسطها البيت مخدوم
وتراث الجزيرة تعتني بكل الاجيال
وإشارة الكبتن على كل شغموم
===============================
كريم عيسى العنزي - الخرج
===============================
عبدالله بن نعيم ياطيب الفال
اللغز حله عندنا صار معلوم
الكابتن اللي باللعب فنه اشكال
تعطى له الشارة على منهج سلوم
===============================
سعد بن خلف فهد العنزي - الرياض
===============================
بسم الله ابدى ثم اشارك بالامثال
بالصفحة اللي يراسله كل شغموم
عبدالله اقرالحل ياطيب الفال
الكبتنيه مابها شك ووهوم
===============================
محمد مسعد الشارخ - الرياض
===============================
عبدالله اللي يضبط اللغز ما مال
لغزه قريته عندي الحل مفهوم
الرجل كبتن يفتخر مقدم أبطال
والبنت خرقه تنحزم حزم محزوم
===============================
سعد صنهات السهلي - الدرعية
===============================
ياللي كتبت اللغز ننبيك بالحال
أنته رياضي والرياضي له علوم
الكبتنيه دوم تعطى للأبطال
وأنا وعبدالله نبا نهزم الروم
===============================
صالح غزاي البدراني - الرس
