يا صاحبي ما شفت حالي اليا غبّت

النفس ضاقت. والمحاني هشيمه

ومن غاب ذكرك عن سماء خافقي شبّت

وأشوف طيفك مع بقايا سديمه

دليّت «اهذرّي» في غيابك وحسّبت

كل «الظروف» المبطيه والقديمه

لقيت حالي. ضايع كان عاتبت

بعض الظروف امعاتبتها ظليمه

وابا اعترفلك بس انافيك ما تبت

أنا أحبك. من سنين قديمه

حبك بقلبي. والغلا نابت نبت

واشوفلك ذكرى بقلبي يتيمه

أنت الوحيد اللي له الشعر رتبّت

وفيك القصايد والمعاني عظيمه

واليوم جيتي بعد أنا فيك ما ذبت

أهلا هلابك. يوم جيتي سليمه

ويا صاحبي توّك تجي بعد ما غبت

ومن غير شوفك. ه.. القصايد عديمه

واليا لفى الغايب. يقولون وش جبت؟؟

وانته اليامن جيت. كلك (غنيمه)