ألا يا ضيفي الغالي متى بك يصدق الميعاد

وأشوف ابك الحبيب اللي عيوني فيه تنخاني

سهرتك وان تركتك ما لقيت ألا الشقا يزداد

سريتك واسألك من هو بربك ظالم الثاني

وأنا وش في يدي غير الشقا وألا السهر معتاد

أشوف من الشقا فرحة وأشوف أفراحي أحزاني

تعبت أشيل هم يقتل الضحكة برمح عناد

تعبت احفظ بقلبي حبي اللي منه مرضاني

وألا يا أهل الهوى ما فالهوى راحه ولا مرقاد

مدام ان الهوى سكة بحر والكل غرقاني

وش الحيلة لشخص وقته القاسي وقف مرصاد

رفض كلمة وصل وقتي بخيل وبخله أشقاني

خسارة راح عمري ما لقيتك ياالفرح وان عاد

يمين الله ما ارجع في عذاب كم تبلاني

عليك الله يا يوم خذلني وافرح الحساد

وعلّي الله لن حبيت غيره لو تناساني

أحبه مثل حب مسافر يبغى لجوعه زاد

وأعزه كيف ما عزه وعيني فيه تنخاني