ودّي أشرّف على المرقاب بأقدامي

وأروي عيوني بشوفك ياهوى روحي

وأسقي عروقٍ تموت بحزمها الظامي

ومن لهفتي صار صوت الحلق مبحوحي

ربّ يدبر عباده ما نسى آلامي

بصبر لعل الصبر لي فيه مصلوحي

يمكن يجي الموت توالحلم قدامي

وان مات حلمي خياله حي في نوحي

أسري عشانك على جمر الهوى الحامي

أبيك تفطن وظنّي فيك ما توحي

لو أن زمانك خذا من ظرفي اسهامي

شريت رجلٍ حزا لك مجد وصروحي

ولَو تفتح القلب بانت قمّة أحلامي

صرخة ندى منك تكفى عالج جروحي

ولو قست عزّي على شوقي مع هْيامي

خجلت من ثلج حبٍ تَحْسبه فوحي

يا بنت الأوهام تبني مثلها أوهامي

وأنا على هامتي أبكتب وضوحي

يا بنت يكفيك مني سرقة أعوامي

وأنا غروري يسوق النفس لِطْموحي

يا بنت جاشي بيقوى يرغم عظامي

ولابي فجيعة بيارق عزّ تلوحي

وان صد رمشك على قوله نسى أيَّامي

فلا تخيَّل بصدّك ينهدم صوحي