يا اللي بنظراتك تشد انتباهي

وانا على ما اشوف وشعاد بيدي

الا اشوفك بالجمال امتباهي

تزعم غرور وكبريا كلها غي

ويحق لك في عرشك آمر وناهي

دامك تمد البدر يا مصدر الضي

ذبحتني بسهوم نجل سواهي

ارماتها عدوان والا بني طي

لين انشقر قلبي وضاع اتجاهي

ومات الامل والياس عانه معي حي

وكانك تبي روحي اباقول هاهي

دوك استلمها وانتبه جرحها ني

والا انتبه لا تقول داله ولا هي

والظاهر انه ما حصله ولا شي