يا دارنا يا دار صقر الجزيرة
دار أخو نورة منبع العز والدين
اللي كفخ من شرقها في مطيرة
ومن كفخته عاعت فروخ الشياهين
بالسيف الأرخم والخيول المغيرة
طهر ثراها من جموع الخبيثين
وأجهز عليها بالسيوف الشطيرة
وخلص نشبها من يدين الحسودين
اللي فعوله بالملاقى شهيرة
وراع القسا من سطوته يلبسه لين
وبعيون عدوانه فعوله كبيرة
وش عاد بعده الرجال الوفيين
وعلى طريق الخير واصل مسيرة
ويسير من بعده رجال ميامين
وحد دياره ديرة بعد ديره
حتى صفت واستقبلت للمصلين
أنا اشهد انه مايوصف بغيره
لا عدوا ملوك العرب والسلاطين
عساه في جنات عدن السفيره
وقولوا معي آمين وآمين وآمين
