عِدْ ما للعيد لبسوا من جديد
وكبروا في مسجده من خلف إمامه
وعِدْ ما هب الهواء غصن الجريد
وعد ما يجني الثمر ساعة صرامه
مرحبا بك يا العقيد بن العقيد
يا الزعيم اللي تسلسل من زعامه
شوفة محياك لأهل الدار عيد
عيدنا في فهدنا فهد الشهامة
الحكيم اللي له الراي السديد
أبو فيصل درعنا للمجد هامة
لين للشعب وضد للضديد
والكتاب وسنة محمد نظامه
محكما بالرأي له رأي جويد
عز شعبه والوطن غاية مرامه
هو أمان الجار في يوم شديد
العدو منه العدو بان انهزامه
أبو فيصل يا عسى عمره مديد
يفتخر من كان أبو فيصل حزامه
ويسلم اللي له على اليمنى عضيد
أبو متعب والفخر عدا سنامه
ودام قايد جيشنا ذخر ورصيد
أبو خالد والكرم حاز لوسامه
ودام دار حبها دم الوريد
دارنا للمجد نبراس وعلامه
