اعتزلت بعز مجدك والاكيد

بالمحافل خالد اسمك ما يزول

من كلام المجد غناك القصيد

والسوالف فيك يا خالد تطول

وش نقول اعجاب والا وش نزيد

في وداعك ما دري وش نقدر نقول

يا غزال نطرب لفنه.. فريد

لاخذ الملعب صعود مع نزول

كنه يعرف الخطاوي وش تريد

لابطيء ولا خفيف و لاعجول

أقرب من القرب وأبعد من بعيد

حاسم ما يعرف أنصاف الحلول

منتهى الابداع عزف وتغريد

يا حلاته لا غدا يصول ويجول

يا قصيد الفن يا فن القصيد

وش تقول اعجاب وش تقدر تقول