طارت لك طيور بالي وابتدى شوقي

وحاولت أضمّ اشتعالي وانحدر دمعي

إلى طريت بخيالي فاض معلوقي

شوقٍ يخلّي معان الحب تجتمعي

وبالصدر أقيم الفرح وأحلامي تفوقي

وأعيش حفلة نهار تلوح في دمعي

ذكراك في بالي وقلبي ومنطوقي

وصورتك في عيني وهرجتك في سمعي

غفيت بين اشتياقي فيك وحروقي

ومزنٍ تراكم شمال لبارقه لمعي

وأبطيت سارح وطاح الورد من فوقي

وصحيت واثري على أوراقي وشمعي

وجيت اتعطّرك طيف وذبت بعروقي

وبغيت أدورك فيني وانتثر جمعي

وخفت أذكرك ثانية وأموت من شوقي

وحاولت أضمّ اشتعالي وانحدر دمعي