اشكي الليالي بها الذكرى تبكيني

وجروح قلبي كثيرة من يداويها

هلت عيوني دموعه يانظر عيني

حزن كسا عين محبوبك يبكيها

حبه بقلبي ثلاث سنين مشقيني

واليوم نفسي من اسبابه معنيها

مسكين قلب تعذب بينك وبيني

نفس تودك حبيبي كيف تشقيها

ليتك حبيبي مع الاشواق تاتيني

وتشوف روحي حنين الحب يكويها

قربك دوا القلب ياروحي يكفيني

خلك لنفسي قريب لو تسليها

تكفى حبيبي طلبتك لاتخليني

نفس غشاها من الحرمان يكفيها

بابكي وبابكي لين الوقت ينسيني

دنيا عطتني من الاحزان مافيها