صل الركايب على ابن هتيل

ينقض تعبهن بترحابه

لا من ضونه توال الليل

يضحك حجاجه مع نابه

كني غرير (قرقعوا له ولا دله)

يبي حاجة ما هوب يدله بلياها

ما نيب أمير مير طيب جماعه

سيف لربعي في المواهيب مسلول

لا قدموني لابتي صدف ساعة

قدمتهم مقدار خمسة عشر حول

وإن كان جوادات الفتى من ذراعه

فأنا طويل الباع ما نيب مجهول

يا والله اللي بدا في عارضي شيبي

وأنا أحسب الشيب توه ماقرب حله

الشيب جوهر مروين المقاضيبي

لكن ما ودي إنه جا بشير له

أخاف نكرة البيض الرعابيبي

اللي ليا شافن الشايب تعدون له

يا لله ياللي من تلجاك منصور

نفعك يديم ونفع غيرك عباره

إنك تبلغني مرامي ولا ابور

في واحد عيني بعينه وساره

نفسي تمنا به وأنا منه مقصور

ولاعدي إلا في جناحه جباره

البارحة لو إن كبدي على صاج

كان الجحيم أبرد من اللي دهجها

حشا حشا ما ذاقت العين هملاج

زود على ما بي تزايد لججها

أمسيت ما غضيت لين السفر باج

وأنا بزافات تغالب حججها

كني بغبات البحر بين الأمواج

أمواج دالوب الهبايب رهجها

محتار ما عينت للرجل مدراج

مدراجها عسر وعين عوجها

كل يورد له على الكيف معناه

أنا أشهد إن حنا هل الكيف حنا

اللي ليا جانا المسيّر نكهناه

وإنباشره بالكيف قبل إيتشنا

وإنقلط المحماس قبل يتمناه

والأوله ما هيب تكفيه منا

ما هوب لا جانا عطيناه مصلاه

نبغيه لا منه عدا البيت غنا

وإدلالنا ما هيب صفر مجلاه

من كثر دحم النار بنحور هنا

يا سحمي أبا وصيك بالعود فانه

ما حط من دوني ودونك بضاعه

خلك وما حاشت يمينك لسنه

أيضا وقم له بالهدى والمطاعه

خالك يظن وعندي خلاف ظنه

وأنا برجوى الله وخطوات ساعه

الطيب وسطناك بالشبر منه

ما عندنا باللي قصد به ذراعه

والله لو حطيت قصر من الطين

وغرس وبستان ونويت الحضاره

ما نسا شديد البدو لا صار منوين

لا لاح براق تتالت خباره

بدو قويين وجاهم طرشين

وعدو لهم عشب زها به خضاره

وشدوا ودنّو جيشهم والقعادين

وكل على مشدوده أظهر قشاره

الجيش يحضا به عيال شليين

فيهم من الخفة رموع الشطاره

والزمل يحظا به بنات مزايين

يشدن لصيد شايف له غياره

يا حيهم حياه حيين حيين

كنه يقزيهم من الدار غاره

يا ذعار لاجيتهم يوم أنت مرسالي

ما خاب من كان مثلي وأنت مرساله

سلم عليهم سلام صافي حالي

وأثنه على اللي يقول العود وش حاله

هذا وأنا يافتي ما هوب عزالي

كم واحد يمتني مثلي ولا جاله

أنا أحمد الله عزيز وطيب فالي

ومن كان مثلي عزيز وطيب فاله

يا ناس خلوني المسؤول بهبالي

واللي بصير بحالي مالي وماله

لولا المهبل حشا ما يرتشي حالي

جعله هبال يزود وزوده أشلاله

خلوني أدله مع الخبلان وأشلالي

ما سرني صاحي في دبرة أحواله

أنا لا بغيت أرتاح قلب العنا مطفوق

مع اللي إليا أقبل يسرق القلب سلهامه

عيونه عيون اللي تحرى الهدد ويتوق

وخذا برقعه راعيه والطلع قدامه

حديثه لبن بكر صخيف رعت زملوق

تخطف ولدها كل ما سمعت إرزامه

معا نجع بدو شفهم تبع شف النوق

هواهم هوى البل ما ينوون بالقامة

واهني اللي قواده وثيق ما يزوع

لا طراله ما طرى ون في صدر خراب

جعل يسقا لا نوينا عليهم بالرجوع

وإنثنى وجه السفر صوبهم والكيف طاب

وإنتوينا صوبهم فوق مامون يفوع

غايته ومناه نهب المثايل والسراب

دوج مفتول اللواليب ضماده يروع

في يد اللي يمهله ويحداه من المطاب

كن صوته لا تناول من السرعة نشوع

صوت حالوب البرد في مقاديم السحاب