سر يا قلم واكتب على بيض الأوراق

واكتب جواب ما تغير قوافيه

خل الجزايل لابن الأجواد تنساق

كانه فهيم وصايبات مراميه

عز الله إن الصدر من عقبكم ضاق

ولا زماني مكسبه لي تحديه

ودارت مقاديره ومن ضاق يشتاق

واللي ضحك غير الليالي تبكيه

عزي لمن قلبه يجي فيه دقاق

كثرة هواجيسه وربي معنيه

اللي سواتي مرقده وقت الإشراق

والنوم ماش وبيناتٍ مواريه

أنا أشهد إن الوقت جماع فراق

كم ذقت فيه المر وأطمع بحاليه