موجود في دنياك ربح وخسارة

وكل يحصّل من حديهن نصيبه

كلٍ البشر تكره دروب العزاره

لكن تصادفهم بدرب الغصيبه

الشخص يمشي برادته واختياره

ولا هو لزوم العبد يشمت نصيبه

غيب الليالي ما عرفنا أسراره

لو كان ندري ما نتحمّل لهيبه

باللي مقدر ما تفيد الشطاره

ولا كل مريضٍ يفيده طبيبه

اللي يحب من المكاسب أخياره

لازم ايتشطر عن طريق الغليبه

نريد نشر للحقيقة إشارة

ما تستقيم أحوال شيء بغصيبه

ولا يبتني قصر وساسه هياره

لازم مع الأحداث يبين عيبه

من لا يودك كيف تسكن بداره؟

فكيف ترضى بالحياة الكئيبة؟

ومن صدّّ عنك ولا عطاك البشارة

خله يروح ولا بتركه معيبه