خلاص من العناء يا اللي معنيني وهجرك طال

تعال اسمع صدى الونات بجروح معنيها

نسيت ان الليالي سود ظلماء والهوى قتال

نسيت انك ملكت الروح مني وانت غاليها

دخيلك يا حبيبي لا تخليني على هالحال

انا مثل الغصون اللي تدور من يسقيها

تجمل لا تجافيني واصير بدنيتي رحال

انا كلي هموم وصفحة الايام تحكيها

تعبت من الزمان اللي عليه يا حبيبي مال

ابي كلمة وفاء كل المشاعر في تحييها

ليا قبّل سواد الليل اشوفك في سماي هلال

تنور دنيتي بالبسمة اللي جيت احييها

غشيم اللي يقول ان الهوى ما يخلف العقال

سهوم الحب اليا صابت قلوب الود تنهيها