بديت في من نعبده سر وجهار
والحمد للي نعمته مقتدرها
الوسم توه جاك يوم الفلك دار
واستبشري ياسهولها مع شجرها
يالله يالمعبود يالوافي البار
بمرك تبي ترعد وينزل مطرها
ستين ليله بالسحايب والأمطار
ما تنعرف قيعانها من بحرها
جاك الربيع وعم في كل الأقطار
وردم على الفطّر وغير وبرها
في ديرةٍ جابو لنا عنها الأخبار
العشب محتاس ويلاعب ثمرها
يازين شب النار في وقت الأسحار
برض قفر راع الغنم ما دمرها
الي يجيب من الحطب يوقد النار
في فيضة يعجبك ريحة زهرها
سويت لك فنجال هيل ومسمار
وساقه رفيقاً من يمينٍ شمرها
مع رفقة تبادلوا قول الأشعار
حتى تغيب أنجومها مع قمرها
هاذي مناة الي عليه الدهر جار
يالله يالمعبود تمم خبرها
