ذيت الوفاء مني وغيري عطيته ود

وحبك دخل قلبي ولا يوم رديته

ونسجت الوفاء وسمك بقلبي ولا له ند

وحطيت لك في القلب مقدار وأخفيته

حزين على بعدك وأعد الليالي عد

عسى تنقضي واشوف زولك ولاريته

وأشوفك وضعت اليوم بيني وبينك سد

وأنا لجل عينك روحي العلقم اسقيته

ولا كان قصدي انك تغلى علي وتصد

وتنسى ابن مدعش ذا وفاء الغير نسيته

وبأقوال لك ياللي نسيت الوفاء والود

تراك الوحيد اللي على الناس حبيته

فكانك بعد بتعود وتمد لي باليد

فقلبي ينادي كان يا شوق ناديته