تقول وشلونك وأنا أقول في خير

وأنا أكتم العبرات بين الضلوعي

صوته جرحني مع جروح المقادير

خفيف صوته بس فيني يروعي

دنيا حظوظ وصار حظي تعازير

تموت بعناد الليالي اطبوعي

ياياه مات الوصل بين المعاشير

وضاع الأمل في ردته والرجوعي

قلبي يبيه وراح قلبه مع الغير

وانا الذي قاسيت منه الوجوعي

ياعين عذبنا السهر والمشاوير

وكثر السهر ياعين فيني يلوعي

جف الكلام وراح سيد الغنادير

وانا اتصبر لين هلت ادموعي