سعودية انا من أرض أبو فيصل حكم فيها

سعودية أنا من بيت عز ومجد وسياده

من أرض كل مجد الكون يصبحها ويمسيها

بلاد اللي قضى عمره صلاح وخير وعباده

من أرض اللي إلا من طبها ماهوب ناسيها

أحد ينسى مكانٍ كل شبر فيه سجادة

بلادي مثل روس النايفات.. الكل يبغيها

إذا ذقتوا بها مر.. صرختوا سكر زياده

بها ليل إلا اقبل من اشواقه يناجيها

وإلا جاء صبحها شفتوا الجمال بحلة اعياده

وناس كل طيب الكون غدى فيها وكاسيها

عزيزين كريمين أهل توحيد وشهاده

وسيرتها فخر طاغي من أولها لتاليها

ومكانتها مثل شمعة وسط ظلمات وقاده

بداية قصة الفارس تنبي عن بواقيها

حكاية لو تمر ازمان ابد ما هيب منعاده

سعودية انا ارضي ابيع العمر وافديها

هذيك اللي تبدى دوم على الباقين بالعاده