ألا يا حي هالذكرى توافق موسم الأمطار
تدور الذكريات اللي معك يا فهد نذكرها
سرى بي هاجس التفكير مع اللي كان واللي صار
مع حروف القصيد اللي تسايرني وأسايرها
أبي تنسفني حروفي وأجي لك شاعر جبار
مع أمجادك أبي حرفي لكم يا فهد يعبرها
أبي قافٍ تسولف به جميع الناس والأقطار
مع التاريخ نذكرها لأنك أنت مصدرها
مشينا الغرب وجنوبه ورحنا شرق عنه يسار
شمال شاف له عز ينومس كيف دايرها
على عهدك سرى الساري بليل مظلم ما حتار
ولا هاب الضواري والهوام ولا هو خابرها
مدام أنه على عهدك تخاون وأصبحن أحرار
يعيشن في نعيم أو عز ولا شي يكدرها
نعيش أمن وأمان ما ورد مثله مع الأخبار
على عهدك يابوفيصل جميع الشعب يقدرها
طويلات الهموم اللي على الشعب أصبحن قصار
مدام أنك بفضل الله ثم فضلك موفرها
بذلت الجهد حفظت العهد حفظك الواحد القهار
مصايب هالزمن لاجت على المسلم تيسرها
تفز لصيحة المحتاج إلا صابنّه الأقدار
يمينك بالمعالي حازت أولها مع آخرها
مشاريع تضخ الخير غدت بيدينكم أنهار
منابع للعطا غطت على الدنيا بشايرها
بنيت الدار حميت الجار من جاره يومن جار
ضمنت لجارك الراحة وقلت أبشر وأحررها
أخذت العطف باليمنى وباليسرى لهيب النار
على من ضيّع دروبه حرام ان ما يكررها
وتعطي للحكم منهج على الشورى مع الأخيار
على سنة نبي الكون من أولها لعاشرها
على عهدك يا بوفيصل قدرنا نلفت الأنظار
جميع أهل الدول أثنوا علينا يوم نسايرها
على عهدك يابوفيصل مضن عشرين عام قصار
شهادة واحد شاف الذي شافه وينشرها
ترى العشرين يا قايد غدت بقلوبنا تذكار
نعيش العمر كل العمر ما ننسى مظاهرها
عجزت أكتب عجزت اوصف عجزت أواجه التيار
بحور من العطا فاضت يا كيف شلون ابحصرها
لك أرواح الجميع فدا لك أرواح الجميع استار
مدام انك يابوفيصل حبيبه فأنت تامرها
