للجوف في جوفي غلا كلي لها حب وحنين
حبي لها ما ينوصف جوفٍ ربيت بجوفها
كلي لها حب ولاء.. هي مي عيني والجبين
لو قلت ابذكر وصفها تصعب علي وصوفها
إن قلت أنا روعة جمال قالوا جميع المعجبين
ياجفنها وصفك لها جزءً من عذب حروفها
وإن قلت أنا واحة ورود وترابها ماسٍ ثمين
قالوا على الماس النفيس يزيد دايم نوفها
جوف الوفى هي منيتي غلاها في قلبي دفين
في غربتي لي تبتسم تفرد لي بيض كفوفها
في وقفتي في جلستي في ضيقتي ليه تبين
في عز نومي أجيلها عبر الخيال أشوفها
في قربها الوقت الصعيب لي ينحني طوع ويلين
أم الوفى ما مثلها عن نفسي تجلا خوفها
