فضفض همومك لا يجي خاطرك شي
عليك تشكي والبكاء لك عليه
أنا ادري ان الهم أقوى من الكي
وأحر من فرقى الخوي عن خويه
ما ظن خالقك الله تولع الضي
بنفسك وتدفي به جميع البرية
قلبي مري وتنفعه قطرة المي
وقطرات همك فوق قلبي قوية
قبلك ترى همي على قلبي شوي
ومن عقب همك زاد همي شوية
قم نشتكي للرب ويديك بيدي
شكواك للي غير ربك خطية
وان جاء يدورك الشقاء بعّد وعي
فرقاه تبني لك حياة هنية
ويا بدر لا تنغر بالصاحب السي
اكشف على قلبه وطلع خفيه
وأوصيك لا تبكي على الرايح الجي
لابد له من بعد روحه بجيه
يا صاحبي من خلقة الصبر يبطي
والصبر تزري عنه ناس ردية
وأنت الردى مضميه شربك وهو حي
ومن الضماء يسكن بحوض المنية
وان كدرت دنياك لابد تصفي
عسى حياتك يا صحيبي صفية
وأتلى الكلام اللي من القلب معطي
سلام يالغالي ورد التحية
