هلَّ رمضان وحانَ صحّوا الضماير

واسعوا لكسب المغفرة والفضيلة

من قبل ما يوم تدور الدواير

والمرضعة ما عاد حمله تشيله

في يوم ما تنفع كثير الحساير

وشتان ما بين الخليل وخليله

أحدٍ بجنة خلد زين البشاير

نتيجة ايمانه وكثر تهليله

يدِّي الفرايض كاملة غير حاير

ويحرص على فعل الصفات النبيلة

وأحدٍ تحت رجله تولع سعاير

والراس يغلي والجوارح مثيله

في غيهب اللذات مقدم وساير

وهذي نتايجها دروب الرذيله

والله نهانا عن عظيم الكباير

وكلٍ على ما قيل قلبه دليله