تمر كل يوم تاخذ قلبي المشتاق في يمناك

وتتركني على جال الهموم وعنك تبعدني

يتوه الشارع من الصمت لامنك نثرت خطاك

وانا يا قلب لاتحزن ظلالي بس يسندني

تعبت أوقف وأناظر وارتعد واسكت واصدّ هناك

أنا شسويت لك يوم انك تماري وتجهدني

أنادي قلبي المسكين لامن راح هو واياك

ألا ياقلب لا تبطي.. ضلوعي عنك تنشدني

جبيبي كيف ابتهنا بليا قلب وبلياك

أنا أحبك ولكن منيتي أنساك ساعدني

على ها الحال لي ثاني ربيع وكلمتي ما اقساك

رفعت الراية البيضاء.. بعاهدك وتعاهدني

تذوقني شهد قربك وترويني بصافي ماك

أو تغير طريق فيه اساهدك وتشاهدني