يا مرحبا من خفوق ماهوى غيرك

منزال حبك بداخل مهجته مبني

بالحيل أحبك رغم صدك وتقصيرك

في روضة البيض غيرك ما يناسبني

لا ينشغل مع مرور الوقت تفكيرك

انا على العهد رغم انك معذبني

بس انت وش نيتك وش نص تقريرك

اليا متى وانت تمسحني وتكتبني

خل المعاذير انا صادق معاذيرك

تخطي وعذرك وخاف انك تكذبني

حبك بقلبي حبيبي فاق تصويرك

سبحان من فيك دون الغير حببني

شف يوم احبك حبيبي كيف تأثيرك

انا وش اللي من اقصى الناس جايبني

جاك اعترافي متى اسمع منك تبريرك

على انتظارك عسى الله ما يجيبني