يا ذعار في لندن وأنا وسط (ساجر)
والهم واحد والمشاريه وحده
يا ذعار طعنات العواذل خناجر
والحال قدمك ما بقى فيه شده
يا بن محيا ما بقى بي حناجر
لو كنت اسولف للصخر كان هده
ناسٍ تدف بروسها للمناجر
والكون فاهم والمسافات مده
ما ينفع اللي مات كلمة مواجر
واللي يغامر لا خسر ويش حده
القل صحراء والنوايا متاجر
شف طير شلوى ما بقى فيه هده
يا ذعار بعدك هم والهم فاجر
في غيبتك يا خوك فقده .. وفقده
شف في غيابك كيف ذوب المحاجر
وشف في غيابك كم فراغٍ تسده
شف في غيابك كم وطن معك هاجر
البعد قد القلب يا ذعار قده
يا ذعار في لندن تذكرت (ساجر)
معه (العبل والحيد) يا ذعار وحده
