تحبك عيون يا بعدها بغت فرقاك

علشان ما تفقد محبتك بوصالك

صفا جرح بعدك عند جرحي وانا وياك

اخف الف مرة وانت ما جا على بالك

محال اقبلك واقع وهمٍ والمحال انساك

احدثك عن حالٍ سواده بعض فالك

يسامحك ربي كيف كرهتني لاماك

وهي غايةٍ ما كتب لي دربها سالك

تعرف اني اتعبت الصبر مدّ قبل القاك

على ما يبي قلب حياته وهبها لك

يسامحك ربي ثانيه كيف عز رضاك

تموت المعاني غيظ ما غيرت حالك

انا ما اذكر اني قلت ما يحتمل شكواك

ولا اذكر ذكرت امرٍ وهو دون منزالك

صدقت وعطيتك والله ومر واعطاك

انا لك من اللي حدثك عن سوا ذلك؟

نسفت الخجل واللي على البال كله جاك

لعلك تبوح لموجعٍ باح واصغى لك

يقول ابتعد... ولسان حاله يقول اهواك

علشان ما يفقد محبتك بوصالك