النجوم العاليات المستحيزات الرفيعة
الله اللي بالغلا والنور والعزه وهبها
ليه ما أغني لها والشعر يختال بربيعه
لين يبرق في نحر بنت القصيد أغلى ذهبها
دام أبو نواف خلاّ ليلة الظلمى بديعه
والله إن يجني من عزوق القصيد أحلى رطبها
كيف ننسى اللي ظلاله وحصونه منيعه
يوم ضاقت والديار تصيح في فارس عربها
ليلة البارق برق وأهتزت أطراف الوسيعه
من جنوبك يا وطن والنار شبت في حطبها
فل جنحانه وحلّق فوقها صقر الوديعه
لين نامت وأرجهنت في ظلال اللي كسبها
صير ميٍ وارثٍ مجده وجوداته طبيعه
مدته لا مد باليمنى عن اليسرى حجبها
لو درت ريح الشمال ولاحت بجوده تذيعه
والله ان البيد ما تشكي على الغيمه عتبها
والقوافي المسرجات اللي عصت غيره تطيعه
تنحني من كبر مقداره بعين اللي كتبها
من وقارالسيف نازع الهيبه نزيعه
فيه من طيب البحور وفيه من ثورة غضبها
إبن شيخٍ في قديم الوقت جانا في الطليعه
في أول الجيش أعتزى ذيب الخلا وأشعل لهبها
يوم نجران أنتخت باللي نشرحكم الشريعه
صاح أبو مشعل على المهر الحمر وأطلق نشبها
عزك الله يا تراب أرضٍ لها الغالي نبيعه
تحت حكم الله وحكم اللي رفع ربي نسبها
الرجال اللي لها هيبه وسطوتها سريعه
فعلها مشهود والتاريخ بحروفه كتبها
يا وطنا ما يمسك ضيم ورجالك شجيعه
في المحاجي دون حدك يا وطن تثني ركبها
والنجوم العاليات المستحيزات الرفيعه
الله اللي بالغلا والنور والعزه وهبها
