زوِّد جروحي وكابر خلني مخطي باروح
دامني كذاب كذبي بيننا أكبر مسافه
وأقتل بغدرك غلانا وأطعن بكذبك طموح
بآسألك بالله قلي هو بقى شيءً أخافه؟
سو كل اللي في بالك يا هلا بكل الجروح
والمصير اللي بقرارك حالف اني ما أعافه
الحقايق لو تخبي واضحه كل الوضوح
ما يقدم.. ما يأخر بوح قلبك واعترافه
الله العالم من اللي هد بيديه الصروح
الله العالم من اللي كل ظلم الحب شافه!!
لو تعذرت احتويتك في نضا قلبٍ سموح
بس خانك كبريائك بعت نفسك ياحسافه
