مع بداية مطلع العام الجديد
اتقدم بالتحيه .. والسلام
للملوك اللي لهم فعلٍ مجيد
قادة الامه .. رفيعين المقام
قادة الامه .. هل الفكر البعيد
مصدر الحكمه .. مصابيح الظلام
السعود ملوكنا .. واللّه شهيد
بالضماير . حب . لملوكٍ عظام
الفهد نبراس .. للمجد التليد
في سبيل . الخير . نال أفخر وسام
في جهوده .. كل خلق اللّه تشيد
سار بالشعب السعودي للامام
من ملكنا صاحب الراي السديد
كل منبع خير .. يحظى باهتمام
ابو فيصل يا عسى عمره مديد
طال عمره .. خادم البيت الحرام
ويا عضيد .. الفهد . يا نعم العضيد
ابو متعب .. مثل أبو فيصل . تمام
طال عمره صاحب الخلق الحميد
يشهد الله له معزه واحترام
وعاش سلطان البطل ضد الضديد
عاش نطاح المهمات الجسام
له يمينٍ ما يمد أبها الزهيد
بالكرم طايل .. على كل الكرام
ما يعبر عن مزاياهم قصيد
ولا يعبر عن .. تفانيهم كلام
ويا وطنا .. يا عسى خيرك يزيد
كل يوم .. وكل شهر .. وكل عام
المواطن صار يدرك ما يريد
اصبحت حاله .. على أحسن ما يرام
في ظلال الأمن والعيش الرغيد
بارك الله في جهود أبناء الإمام
وكل يوم بموطني ينعد .. عيد
غير .. عيدين الضحيه والصيام
وعد .. ما يطلع ثمر .. خضر الجريد
يا صلاة الله على سيد .. الانام
