يا عالم بالكون بحراً وبرا
عساي من جوده غني ومتعافي
سجات والا الوقت عجل يمرا
وعمر الفتى لا بد لا فيه لافي
زرع ذوا لوماه تحته يقرا
ما ينفعه لا تم عمره وهافي
يالله يا عالم خفيٍ يسرا
ما عنك يارب المخاليق خافي
ارحم ذليل في رجاك ايتحرا
يشكي الذنوب الحاضره والمقافي
عساه منهن يا كريم ايتعرا
يطلع براه وله تطبيب ملافي
يوم العميل من العميل ايتبرا
لعل سترك في هاك اليوم ضافي
استر على اللي غرروا به وغرا
يتبع هواه وشاردات القوافي
هوايةٍ عزمه عليه تجرا
حيث إنها حلوه وعشقة سنافي
والا هزيل القول عنه ايتدرا
ويقدا كلامه عن عيوب ومهافي
والكامل اللي في حماه انتذرا
والا البشر يخطي ونقصه يشافي
