للشعر صوت ولحون ومواويل
وللصدر ضيق وطعون وشكاوي
شاعرٍ صار للضيقة مداهيل
وقلبه أمسى من الفرحة خلاوي
طوحت به هذيك ام المضاليل
يوم قلبه على الاما شفاوي
جادلٍ سوت لقلبي بهاذيل
تله الولف وتل العراوي
يا سواد الشعر وش قلت لليل
ويا بياض النحر وش انت ناوي
ضامر كنها من سبق الخيل
خبروا راعي الكدش الشواوي
ما املكها ولاحت بالمحاييل
دونها ينقطع حبل الرجاوي
وكنها بارق وبله هماليل
يتبعونه هل الطرش النحاوي
ينثر الماء ويروّن المسابيل
وفاض به وادي الرمث السناوي
عذرها ويش في قل المواصيل
كم تحريت وتزل الحراوي
يلعن الحظ يا قل المواصيل
ويلعن الحب وسوابي بلاوي
اشرب الدمع يا برد المناديل
واشرب الصبر يا قلب الهواوي
وللشعر صوت ولحون ومواويل
وقلبي أمسى من الفرحة خلاوي
