شرق الوطن شفهم أحبابك
أشواقنا اليوم جابتهم
الشمس توقف على بابك
تسمع سوالف محبتهم
جونا وحنا نتحراهم
والفرح خلا القمر دانه
وبعيوننا الشوق ناداهم
والبحر عانق غلا أوطانه
يا مرحبا والقلوب ديار
بضيوفنا بالسعودية
الجار غنا غلاه لجار
دام المحبة خليجية
أمس رحتو غلا واليوم جيتو غلا
وأنتم الشوق يرسم في غلاكم دروب
ماتكفي المحبة كل كلمة هلا
دام عشق الحبايب ساكن فالقلوب
يا ديرتي في قصتك ل«الليالي»
من كل معنى قصة والف معنى
باقرى كتابك واجمعك في خيالي
وانثرك حب دام الأحباب معنى
المجد في صدر الزمن لك تثنى
قصة لها سامر وتاريخ وأخبار
ليل خذا صبحه بكفه وغنى
الله يديم العز والنصر للدار
ومن يومها صار الزمن كله أعراس
وأحلامنا تكبر ونكبر معاها
ونحقق الأحلام ونقول للناس
شوفوا بلدنا فرقها عن سواها
أمس رحتو غلا واليوم جيتو غلا
وانتم الشوق يرسم في غلاكم دروب
ما تكفي المحبة كل كلمة هلا
دام عشق الحبايب ساكن فالقلوب
يا بيرق العز من قدك
المجد خضع لك أيامه
سيف وشهادة على خدك
يا نور هالكون واسلامه
ياها الثرى من خلقك الله
شرفت بكتابه وبيته
وان حاسدك حدثك قله
انت الفخر جاك ما جيته
الدار بالحب تحياهاوبالحب احنا نمو ابها
ونذلل الصعب لرضاها
وفي صفحة المجد نكتبها
أمس رحتو غلا واليوم جيتو غلا
وانتم الشوق يرسم في غلاكم دروب
ما تكفي المحبة كل كلمة هلا
دام عشق الحبايب ساكن فالقلوب
المملكة جنة الرحمن في أرض الله
فعيون منهم يحب الدين وأحبابه
والفهد عين القلوب وعين عبدالله
وسلطان شال الثنين بداخل أهدابه
لجل الثلاثة ترانا سمع وطاعة
الله يخلي الثلاثة للوطن وانا
حكامنا للضعيف يديه وذراعه
ومن كثر ما فكرو فينا غدو حنا
ياكبر عشق الوطن في خافق عياله
به تمتلي به صدور ما لها غيره
لفداه حنا على صهوته خياله
ولرضاه نشكر على كثر النعم خيره
أمس رحتو غلا واليوم جيتو غلا
وانتم الشوق يرسم في غلاكم دروب
ما تكفي المحبة كل كلمة هلا
دام عشق الحبايب ساكن فالقلوب
نحمدك ياالله دينك حنا في ثوبه علينا
شاربين من غلاه وناهلين من كتابه
ما على كف السحاب المد لهم إلا يدينا
سيفنا قد خضع الأيام وأمسى فر جرابه
السؤال اللي سأله الوقت سافر كل مينا
لين وقف في شواطىء الدار واختار الاجابه
وين يلقا شعب يكسب بالرضا دنيا ودينا
كود من ينصر كتاب الله والدنيا تهابه
مسلمين انا بقول الحق والله ما علينا
ما نحنا للحق هامه يوم حنا في جنابه
ينتهينا العز دايم لين يرجع يبتدينا
كننا صوت الآذان المنتهي باللي بدابه
