لك والغلا خطوه على يمَّة حماي
ولو ما حظنت الا الجفا منك بازبنك
تزهملتني هقوتي دون مسراي
وانا احسب اني باظمن الحب واظمنك
لا يا بعد كل الخلايق بدنياي
هذي ظنون السَّالفه تشتكي منك
أطلق مواثيق الغلا دوك ملواي
واعزف على انغامه من ايسرك لايمنك
يقطعك يالسّلوان مالك بعد راي
جرح الوله مسجون باخرجه واسجنك
أما تجي بطعونك بثوب نسَّاي
والا تروح وباترك الوقت يطعنك
هذي حقيقه ثابته أنتي دواي
أنتي وطن عمري وانا صرت موطنك
منفاي عينك والوله شط مرساي
ولو ما حظنت الا الجفا منك بازبنك
