لا تعذر عن غيابك عارف كل الحقايق
ما لحقني شك مير الله يسهلها علينا
تشتكي وانا اشتكي مما حصل والصدر ضايق
والله ان الشوق مجهدنا كثير ومحتوينا
تشتكي جرح المحبة تحسب ان البال رايق
مادريت انا بعدكم بالمعيشة ما هتنينا
يا حبيبي لو جمعت الحسن من كل الخلايق
ما يعوضني عن مشاهدك شخص ولا سلينا
لك خيال يسوقه ليعيني طوال الوقت سايق
وإلك طيف يسكن بقلبي مع الجرح المكينا
كلما حاولت اجيلك تعترض دربي عوايق
للقاء ضميان والايام طالت مارتوينا
بس. ابا صبر لو شق الحب بالقلب امتمايق
ايه ابا صبر لو يعيش الجرح وتطول السنينا
لين تنزاح الظروف وتنطفي كل الحرايق
أو نموت ونستريح من الهوا اللي مبتلينا
والنهاية والله اني عارف كل الحقايق
ازمة حلت بنا والله يسهلها علينا
