كأن المطر استيقظ وتذكرنا وعاد .. ما بال المطر كذا..؟ جاءنا دفعة واحدة.. نصفه اغاني.. ونصفه رذاذ.. حتى الصغار غنوا وغنت مشاعرنا جميع:
يا هلا بالمطر.. ويا هلا بالسحاب..
ما أدري حنا في حلم.. ولا نحلم.. ولا.. لا.. ما أدري حنا في واقع.. ولاّ في واقع.. ولاّ.. لا!!
الأرض خضراء.. والزهور أجمل زهور.. والينابيع تفجر في كل مكان.. وأنا وين أنا.. وسط الغلا.. اغني لاحبابي واقول.. باعزف اجمل الحان الفصول.. دام المطر هل.. ودام الزهر طل.. ودامكم انتم احبابي موجودين!!
مرة قال جدي احسن النية تزين وطهر القلب يجيك المطر يا ما حلا جدي ويا محلا المطر!!
وبأنعي اللي مات من حقده.. واتعب قلبه ولا نام.. هادي السريرة والبال.. وابأسأله الى متى تحجب المطر عن أرضك.. وليه كل الكراهية.. ليه كل الخصومة والتعب.. «يا خي» اصفح.. خل المطر لك يعود «يا اخي» انسى..
ملينا من سماع الكذب والزور.. ملينا من النفاق والكبر والغرور..
ملينا من عالم كل ما فيه مقلوب.. حتى انت حتى انا.. مافينا احد ما فيه قصور..
بس.. الأهم إنّا مو.. على هذا الفلك ندور.. ونروي الزهور طيبه ومسك وبخور وننسى نزعات الشعور اللي تودين بعيد.. في ارض ما فيها سحاب ولا مطر مثل أول عندها.. استغرب من اللي يسأل: وين المطر وين راح وكأن «زر» المطر بعيد.. وهو في داخله يا حرام ما يعرف ودامه كذا محال يجيه المطر إلا اذا مريتوا من عنده انتم احبابي بنيتكم الصافية اللي تجيب المطر يا أطهر ملاك ويا أجمل قمر!!
| 
