يا العبد هاك القاف إقره وراعه
تلقى المعاني مثل الألماس روعه
وان كنت ما تقرا تونّي بسماعه
وخل النفس مثل المسامع سموعه
خذ النصيحة. واحذر تقول باعه
خذها بلاش بقاف موثوق نوعه
ما هي غصيبة واجبرك باتباعه
كل على كيفه.. وشوره.. وطوعه
دنيا سواة الأرض فيها الزراعة
والآخره تحصد لكل زروعه
أنصحك بالرحمن تقوى وطاعه
ترى عليك القلب تغشاه لوعه
وانصحك لا تهمل صلاة الجماعة
وتشفع ترى للعبد كثرة ركوعه
وبر بامك اللي قلبها لك وساعة
وابوك برّك به يضوّي شموعه
والشخص تلقى صورته في طباعه
وأيضاً بعد له صورةٍ في ربوعه
اسرع تدارك. يالعبد خطو ساعه
ما ينفع المذنب مهامل دموعه
