نشرنا في عدد الأسبوع الماضي لغزاً كتبته الشاعرة/ ضي القناديل وكان نصه:
انا ابا انشدك عن رجلٍ بمينك تمسكه ما هاج تشيله ما تشيل اللي يشيله لو يحدونك صبور حيل ما يشكي ولا يطلب دوا وعلاج اظني قلت ما يكفي من التوضيح لظنونك |
وكالعادة وصلتنا عشرات الحلول وبعد الفرز اكتملت شروط النشر في الحلول التالية:
هلا ضي القناديل الفضاله بالسما وهاج تراقص لك غصون ابداع بغيابك ينادونك على جمر انتظار الجزل تلثين البحور امواج من «الملقاط» يا جمر الصبر ما بان مضمونك |
محمد عبدالكريم الغزي / الزلفي
هنا يثبت لنا تراث الجزيرة ما يصير احراج تراث للجميع.. وباللقب ترسل يحطونك ترى الملقاط لاخذ الجمر لاجل العود ما نحتاج باسم ضي القناديل العرب يبغى يسمونك |
سعيد الرشيدي / عنيزة
يقول اللي على المعنى دليله بالظلام سراج رمقت اللغز في حال سريع وقلت ياهونك اعرفك زين يالملقاط تقضي حاجة المحتاج تشيل الجمر وتحطه.. ولو بالنار يصلونك |
فهاد عايض بن عمير / الرياض
هلا بك عد منهو طاف بالكعبة من الحجاج نيابة قلتها عن جملة اللي هم يحيونك ترى يا ضي لغزك حله «الملقاط» ما يحتاج وظني كان حلي له صحيح وافق ظنونك |
عبدالاله حسن القعيري / المزاحمية
عرفت الحل يا ضي القناديل الدجا الوهاج ترفق يا عميل الخير لا تسرع على هونك ترى الملقاط نحتاجه مادام ان الحطب سرَّاج ولا يكفي عن الملقاط شيء لا يهمونك |
محمد صقر الصفق / شقراء
يحل اللغز شاعر يفهم المدخال والمخراج وانا اقول ان لغزك وارداً من حيث مضمونك انا اقول الرجل ملقاط حق للنار يحتاج وانا حليت لغزك للبشر كشفت مكنونك |
سعد بن صنهات السهلي / الدرعية
على ضي القناديل اسمعوا مردود بن فراج حمام الورق هيّضت الفؤاد اليوم بالحونك وحل اللغز يا بنت العرب واضح ولا يحتاج ترى الملقاط حله والجزيرة دوني ودونك |
شبيب بن هذال بن فراج السبيعي / الخرمة
هلا بالصفحة اللي دايم لابداعها نحتاج والا ياكثر يا صفحة تراث اللي يحبونك اقول اللغز يا ضي القناديل استحق التاج واقول الناس يالملقاط لجل النار يشرونك |
عطاالله بن سليمان العطا الله / الزلفي
عدد ما هبت النسمة.. وساقت موكب الامواج هلا..والبال لو روّح ترى يالحل ما دونك اعرف انك على الملقاط لو تنهج تعود ادراج واقول الحل في حلك عسى اهل العرف يرضونك |
فهد الجروان / الزلفي
بعد ما مال خط الشمس واقفى نورها الوهاج نهجت انشد ظلام الليل كيف الناس يسرونك نعم والصبح لامنه تنفس بابن لي منهاج كما ان النار والملقاط يا ليلي يقضونك |
بدر عبدالعزيز العمار / الزلفي
قريت اللغز يا صاح وعرفت انك غزير انتاج انا ادري لوك تشارك على غيرك يبدونك عسى نلقى مع القادم قصايد زانها الاخراج ترى لغزك هو الملقاط شال الجمر من دونك |
ماجد بن غازي العوضي / الرس
هلا يا مرحبا ترحيب يرضي مثل ضي سراج عن يمينك عن يسارك ومن خلفك ومن دونك ترى الحل الصحيح المتقن الملقاط ما يحتاج عساهم كل جمعه باوسط الصفحة يحطونك |
أحمد بن رجا المهيمزي / أم هشيم
قرينا لغزكم يا ضي بانينه على منهاج نهار الجمعة ان عشنا تشوف الحل بعيونك نشب النار بالمنزل على العادة نفل احجاج ترى «الملقاط» يلزمها تسويها على هونك |
علي رشيد الرشيد / رياض الخبراء
سلامي للحروف التي تخط اللغز ما يحتاج سلامٍ من رجل قلبه يقول اليوم ما خونك صدقني يوم حطيتي دلاله مدخل وميلاج ترى الملقاط ما يشكي ولا يدري عن ضنونك |
سعود العلي
