في سماء المجد ما غيره وحيد
والشدايد تعداها الشديد
والبطل لو يعانده الزمان
صار الاعند من عناد العنيد
هذا الازرق وخصمك يالمحال
لا بغى شي يحقق ما يريد
هذا الازرق وغيبي يا نجوم
جا شهاب رقا لك من بعيد
هذا الازرق تهنى بالعيون
ورددي يالشفاه احلى تغريد
هذا الازرق وفزي يالحروف
والبسي اجمل ثياب القصيد
هذا الازرق ويكفي ما تقول
عنه الامجاد في اليوم المجيد
والله ابدعت وحققت المراد
والله انك تبيد ولا تبيد
والميادين يا معشوقها
تفتخر وانت فارسها الوحيد
وفيك كل العيون توشحت
وعن هموم الدهر عاشتك عيد
بالحقيقة تعدينا الخيال
وفي سما الحلم حققنا الاكيد
