يا اللي تسولف لي عن الطيب والحب
الحب والله حب سلطان نايف
حبٍ مسافاته من القلب للقلب
ما هوب حب أهل الهوى للولايف
وصلٍ ودين وسيرةٍ ترضي الرب
شيخين شالوها ثقال وخفايف
شفت الهوى يشرق بهم كل ما هب
والنور يكتبهم بروس النوايف
كل السيوف الا شيوخ الفخر حدب
وكل الدروب اللي وطوها حتايف
هم للبعيد ان عاند احلامنا قرب
ويدينهم بيضٍ كرامٍ عفايف
يجبر بهم كسرٍ ويكسر بهم صلب
وسام عزٍ للسلف والخلايف
ما مثلهم والله ولا قلتها كذب
عنهم جميع الخلق سامع وشايف
ما يشبه الشيخين فالشرق والغرب
يا كود الاجرب هو وتركي وصايف
