يا ذيب ياللي ترفع الصوت يا ذيب
يا اللي مكانك فوق روس الطويلات
شوقتني يا مرتب القول ترتيب
شعرك تعلى في جبال السروات
واللي على الساقه يسوق المناديب
دايم على النمه ركابه محيمات
هماز لمازٍ يشب اللواهيب
له فالنميمه والشماته ملذات
هذاك خله يا عطيب المضاريب
سفهه يغيظه واحقرانه إمجازات
واللي مثل شرواك عرفه تراحيب
وشوفه يزود النفس عز ومسرات
بيتك ضيوفه تعتبرهم معازيب
منصاء الرجال اللي تروم العظيمات
نفخر بمدحك يا بعيد المجاذيب
والطيب واقفاتٍ ولك فيه وقفات
تاج الفخر ما فيك شكٍ ولا ريب
يا بو محمد ما وراها مراوات
هذا ومدحي فيك ما والله يشيب
لو قلت يا ثامر جميع العبارات
واسلم عدد ما تظهر الشمس وتغيب
واعداد ما دارت نجوم المجرات
