عاذلي مالك سماع ولا تطاع
مستحيل اللي تبي مهما يكون
كان تبغى اللي يريحني.. وداع
خلني ويا الهواجس والشجون
هاجس لوعه وهاجس لي متاع
المشاعر نوب.. لون.. ونوب لون
حالة تنتابني في كل ساع
استلذ الصمت معها والسكون
فيها أزاور بالخيال اقصى البقاع
امتطي صهوة جوادٍ به جنون
آصل اللي ما شترى فيني وباع
ايه اشوفه شوف قدّام العيون
المحال يصير شي مستطاع
التقي به واهتني وانسى الحزون
رحلة معها يخف الالتياع
ابتعد عن واقعٍ فيه.. الغبون
واقعٍ فيه الامل والحلم ضاع
فيه كني جفن عين بدون نون
عنه اعيش بكل رغبه واندفاع
مع شرود الذهن.. واصبح لي فنون
سبة اللي قال: عن طول النزاع
بنتنا لعيالنا لا تتعبون
من عوايدنا القديمه والطباع
ابن عم البنت من حقه تكون
سلم ناسٍ حافظينه باقتناع
المره عن رايها ما يسألون
مالها غير البكا والانصياع
يظلمون وكنهم ما يظلمون
لو يجيهم نجل ابو زيد الشجاع
اقنعوه ان الطبايع ما تهون
