ياللي تمنيني بوصلك من العام
بالله تم الوصل بالله تمه
أنا أدري ان ظروف وقتك لها أحكام
لكن عندك يا اتلع الجيد همه
عايش على ذكراك والطرف ما نام
لاجا بيرقد جابك الحلم يمه
على الأمل صابر على طول الأيام
وغلاك شل الفكر والروح سمه
الصبر طال.. وزاد يا ترف الأقدام
ريح خفوقٍ صرت فالوقت همه
قبل الخفوق يصيبه شعاف وهيام
جرح جرحته حاول انك تضمه
بدنياه ماله غيرك آمال واحلام
يشفق عليك أكثر من الطفل لامه
وعليه حبك يعتبر فرض والزام
بما الله خلق من لابسات الأزمه
أما أنقذه والا عليه أحكم إعدام
ياغالي نشفت ريقه ودمعه
