يا ساكنٍ في داخل القلب حييت
يا مرحبا بمسبب الجرح ودواه
في غيبتك ياما رجيت وتمنيت
شوفتك يا نور العيون المشقاه
انت الذي من بدة الناس حبيت
حب وغلا ماهو ممازح وتسلاه
حبك سكن قلبي ولا غيرك اغليت
مستوطن وسط الضلوع المحناه
انا علي عهد الوفا ما تخليت
جيتك بحب و قلب يعشق من اقصاه
لو قلت لك كل التعابير ما اوفيت
غلاك يعجز هاجس الشعر ما ابداه
هذا الغلا اللي فتت القلب تفتيت
ماهو كلام ولأصبح الصبح يمحاه
حاولت ابين لوعتي لكن ازريت
ويا عزتي للي غرامك تولاه
وكتبت لك موجز عن الحال وابديت
شكواي لك يا غاية القلب ومناه
