ياللي تحملني خطا غيري شلون
تظلم بحكمك وانت تدري بالأسباب
ما كنت أصدق فيك مهما يقولون
ناس حكوا يبغون تفريق الأحباب
لو المحبة تحتمل شك وظنون
كان أكثر العشاق في الحب كذاب
وأنت الذي قلبي غدا منك محزون
يومك لعذال الهوى تفتح الباب
جرحتني جرح عميق على الهون
متى شعوري ما توقع له حساب
اجرح وأنا ببادلك حب وشجون
دامك ملكت القلب يكفيني عتاب
ومهما حصل منك على نفسي تمون
وتظلم بحكمك وأنت تدري بالأسباب
