مراهق طرفك الحوري.. يزل ولا يبي أجفاه
حبيب لابغى حاجة.. عنيدٍ داخل عروقي
أحبك.. والحزن يفرد فراشه ما أحد ناداه
وينادي من معه صاحب ويقول: الجوف من ذوقي
رفيقة هالوجود بحسنه الفاضح على مركاه
واذا هب الهوى فالنوف للي هز مشروقي
لقيتك طرفة حلوة.. مع ضحكة طفل ويلاه
تساوي مشربي للماء عقب مظماي من نوقي
من اقصايه إلى ادنايه.. ومن اقصى الحب لين أدناه
تعبت افهم مراسيل الرموش السود والموقي
حبيبة عيني اليمنى مع اليسرى مع المثناة
لك عيون البشر طلحة عليها مرت طروقي
سعيد بشوفة عيونك وشوفة ليلك اللي تاه
على سيف الهوى الطارف وعنقٍ كنه الطوقي
ترى وقت النوى لحظة عليها ترتكز فرقاه
إذا حلت على العاشق فمان الله يالشوقي
وأنا أحبك وظلي منك أمده والحقه أقصاه
وعلى وصلك شعار البعد معذور ومفهوقي
وداعة يالفرط ما ابي أملك والشفوف شفاه
سوالفها حكاية ليلة البارح مع التوقي
