يقول من قامت تزايد همومه
من كثرها ما عاد يحصي عددها
الله يلوم اللي بوقته يلومه
اللي ليا شاف الحقايق جحدها
أكثر عباد الله تغره علومه
يجهد ونفسه ما يفيده جهدها
يدخل بأمور بينه ومحسومه
وان مر زله بينه ما نقدها
نفسه عن الانصاف تقل معصومه
هذا يهون وغيره امر وادها
غيره على الغلطه قويه عزومه
لا جاب غلطه قال لك ما قصدها
ما يدري انه ضايع في هومه
وكلٍ يحل العقده اللي عقدها
وكانه تمادى طول ليله ويومه
اللي بذر فالارض بذره حصدها
والطيب اللي ما انتحى عن لزومه
في ساعةٍ ما ينتحمل نكدها
يا قف على ساقه لصدة خصومه
دام الليالي تستدير بكبدها
يوم الردي همه على كثر نومه
الين تصبح جثته في لحدها
