يا مرحبا يا ناعم العود واهلين
اعداد من يارد ومن راح صادر
واهلا هلا بك عد من يسكن الصين
واعداد ما هدوا حرارٍ نوادر
واهلا هلا بك عد ما ترمش العين
واعداد من سند ومن سار حادر
يا اللي لك بقلبي زروع وبساتين
وموظفين اعمال باعلى الكوادر
ما تدري انك مالك القلب يا زين
قلبي ملكته صار باسمك وغادر
وانا يعوضني الهي ويهدين
اللي على كل المخاليق قادر
يا مالكٍ قلب العناء لا تخلين
ارحم عليلٍ رد قلبه وبادر
ريح ضميرٍ شاف منك العذابين
يرحمك من يعلم جميع المصادر
