يا الصاحب الوافي مثل ما انت خابر
كم لي اهوّنها وهي عيّت اتهون
كم لي وانا صابر وصابر وصابر
واشرب مرارة جرح الإحساس بالهون
وكم لي أمرر ما سمعته واكابر
واقول انا فاهم خطأ قصده ايمون
لين انها وصلت لحد الحناجر
والسد باح وباح ما كان مكنون
ما اقدر أسايرهم ولا اقدر اهاجر
ولا اقدر أسوي مثل ما هم يسوون
ما غير اروّب با الدموع المحاجر
لين اخذت لون المحاجر لها لون
ناسٍ تحسب الأجر كسر الخواطر
تقل على كسر الخواطر يساقون
واللي على كسر الخواطر يخاطر
لابد يلقاها مثل ما يقولون
بالله وش يزعل عيال الأكابر
متى على هامان تمشي يا فرعون...
يعني علشاني اكافح واثابر
حتى يجي لي مع هل العرف قانون
وإلا الرجال الطيبين المخابر
في ها الزمن على الاصابع يعدون
